O sábado 18 de maio ás 19,30 h acompáñanos no concerto de Delta.
No Origami, o papel dóbrase dando lugar a unha nova figura. Do mesmo xeito, as ideas do compositor e pianista Juanjo Fernández préganse a través do violín de Amparo Cánovas e o violonchelo de Elena Domínguez, creando Delta.
Delta explora sonoridades que combinan os elementos do jazz e a música de cámara, rodeados dunha atmosfera cinematográfica.
Neste concerto, Delta combina composicións novas con temas do seu álbum Casa, lanzado en 2023; retratando así cambios vitais entre diferentes cidades, escenas e momentos.
Escoita o seu álbum Casa no Bandcamp.
ENTRADA INVERSA.
Agardámoste!
A presentación enmárcase na nosa liña de traballo Territorios da Arte, un espazo para experimentación artística dende o que traballar cara a superación das dicotomías da arte. Neste sentido, O Gabinete cede o seu espazo para acoller propostas de artistas e disciplinas diversas, cun claro foco en artistas locais aínda non consagradas que están fóra dos circuítos comerciais.